မသိဘူး ရိုမယ် <3

Relationship တစ်ခုတည်မြဲဖို့ ရိုမန်တစ်ဆန်ခြင်း၊မဆန်ခြင်းက တကယ်ရော လိုအပ်တဲ့အရာတစ်ခုလား ဆိုတဲ့အကြောင်းအရာနဲ့ပတ်သက်ပြီးလေ့လာကြည့်တဲ့အခါမှာ စုံတွဲအများစုက ရေရှည်တည်မြဲတဲ့ Relationship တစ်ခုလိုချင်တဲ့အခါ ရိုမန်တစ်ဆန်တာကလည်း မရှိမဖြစ်လိုအပ်ပါတယ်တဲ့။တအားရိုပြစရာလည်းမလိုသလို ရိုမန်တစ်ဆန်တာတွေမရှိတဲ့အခါမှာလည်း ပျော်ရွှင်စရာကြည်နူးစရာရယ်လို့မရှိတော့ပါဘူး။

ချစ်သူရည်းစားတွေကြားမှာပျော်စရာကမရှိဘူးမဟုတ်၊ရှိကြတာချည်းပါ။ဒါပေမဲ့လည်း မိန်းကလေးဆိုတာမျိုးက ကိုယ့်ကိုဂရုတစိုက်ကြင်နာပြတာမျိုးကို လိုချင်ကြတာချည်းပါ။ချစ်တော့ချစ်တယ်၊ချစ်မပြတတ်ဘူးဆိုတာလည်း မဖြစ်သင့်ပါဘူး။ချစ်မပြတတ်မှတော့ ကိုယ့်ကိုတကယ်ချစ်တာလား၊တကယ်မချစ်ပဲကစားနေတာလားဆိုတာလည်း မသိနိုင်ပါဘူး။နှုတ်ကနေ ချစ်တယ်ဘယ်လောက်ပြောပြော အပြုအမူတွေကလည်းစကားပြောပါသေးတယ်။

ပျော်ရွှင်သာယာပြီးအများအားကျစရာစုံတွဲလေးဖြစ်ဖို့ဆိုတာ ရိုမန်တစ်ဆန်တာတွေလည်းရှိနေသင့်ပါတယ်။ပြီးတော့ သင့်ချစ်သူကို ချစ်တယ်ဆိုတဲ့အကြောင်းပြရမှာ ရှက်စရာမလိုပါဘူး။ချစ်နေရင်ပြီးတာပဲ၊ရိုမန်တစ်တွေဘာတွေက အပိုတွေပါလို့ပြောလို့ရသလို ရိုမန်တစ်ဆန်တာတွေမရှိတဲ့အချစ်ရေးတစ်ခုက ရေရှည်ပျော်ရွှင်မယ့်စုံတွဲ ဖြစ်နိုင်ပါ့မလားစဉ်းစားစရာပါပဲ။အပေါ်မှာပြောခဲ့သလို ရိုမန်တစ်ဆန်တယ်ဆိုပေမဲ့ တအားရိုပြစရာမလိုပါဘူး။ ရိုးရှင်းတဲ့အပြုအမူလေးတစ်ခု၊လေးစားမှုလေးတစ်ခု၊ တန်ဖိုးထားမှုလေးတစ်ခု၊သူ့ရဲ့ စိတ်ကူးတွေကိုပုံဖော်ပေးတာလေး ၊သူ့အတွက်ရည်ရွယ်ပြီးဝယ်လာတဲ့ လက်ဆောင်သေးသေးလေးတစ်ခု စတာတွေကနှုတ်ကနေချစ်တယ် လို့ပြောတာထက် သက်သေပြသွားတဲ့အပြုအမူတွေပါ။

ချစ်သူစုံတွဲတွေဆိုတာ စိတ်အခန့်မသင့်ရင်ရန်ဖြစ်ကြမှာပါပဲ။ဒါကိုရန်မဖြစ်ကြနဲ့၊ခဏခဏဖြစ်ရင်ပြတ်သွားလိမ့်မယ် ဆိုပြီးဘေးကနေ စကားနည်းရန်စဲလုပ်တာမျိုး ကလည်းတကယ်တော့မလိုအပ်လှပါဘူး။ဘေးလူ တွေဘယ်လောက်ပြောပြော သူတို့အချင်းချင်းပြေလည်သွားတဲ့အခါ လေကုန်သွားတာပဲအဖတ်တင် ပါလိမ့်မယ်။ရန်အကြီးစားဖြစ်ကြတာမျိုးဆိုရင်တော့ တစ်မျိုးပေါ့။

ချစ်သူစုံတွဲတွေကြားမှာ ရန်ဖြစ်ကြတာလည်းရှိသလို နေ့စဉ်ဘ၀မှာ ချစ်ရသူနဲ့ပတ်သက်ပြီးပျော်ရွှင်ကြည်နူးစရာ တစ်ခုခုအမြဲရှိနေဖို့လည်း လိုအပ်ပါတယ်။အဲ့ဒါမှသာ ရန်ဖြစ်လည်းပျော်ရွှင်စရာတွေနဲ့ပြန်ဖြည့်လို့ရမှာပါ။ဘယ်လောက်ပဲ ရန်ဖြစ်ဖြစ် ရန်သတ်သတ် ပြတ်မသွားတဲ့အတွဲတွေဆိုတာ ဒီလိုမျိုးရိုမန်တစ်ဆန်တာလေးတွေရှိနေလို့ပါပဲ။တွဲတာ အချိန်ကြာလာပြီဖြစ်တဲ့ချစ်သူစုံတွဲတွေလည်းရိုမန်တစ်ဆိုတာ မလိုတော့ဘူး၊မတွေးပါနဲ့လို့။ သင့်တို့ရဲ့ အချစ်ဇာတ်လမ်းလေး အမြဲတမ်းပူနွေးလတ်ဆတ်နေစေဖို့၊ကြားလေသွေးလို့မရအောင် ဒီလိုရိုဆန်တာတွေ ပြန်ပြီးဖန်တီးကြည့်ပါဦး။

၁)တစ်ပတ်တစ်ခါ အမြဲတွေ့ဖြစ်ပါစေ

နှစ်ကြာပြီဖြစ်တဲ့ချစ်သူစုံတွဲတွေရော၊မကြာသေးတဲ့ချစ်သူစုံတွဲတွေရော တစ်ပတ်ကိုတစ်ခါဖြစ်စေ၊နှစ်ခါဖြစ်စေ ပုံမှန်တွေ့သင့်ပါတယ်။တွေ့ရတဲ့ရက်မှာ တစ်ယောက်ရဲ့အတွေ့အကြုံတွေ၊အဖြစ်အပျက်တွေကိုပြန်ပြီး ဖလှယ်ကြ၊ရယ်မောကြတာကလည်း သင်တို့ရဲ့ သံယောဇဉ်ကြိုးကိုပိုပြီးခိုင်မြဲစေပါတယ်။

၂)ပျော်စရာတွေဖန်တီးပါ

တွေ့ရတဲ့ရက်မှာစကားချည်းပဲမပြောချင်ဘူးဆိုရင် ရုပ်ရှင်ကြည့်ပါ။ပါတီပွဲတွေအတူသွားပါ။ ဂိမ်းကစားပါ။ဒါတွေကရိုးရှင်းပေမဲ့ သင်တို့ကြားမှာပျော်ရွှင်စရာအချိန်လေးတွေဖန်တီးပေးနိုင်ပါတယ်။

၃)အတူသွားခဲ့ဖူးတဲ့နေရာလေးတွေပြန်သွားပါ

သူနဲ့စတွေ့တုန်းကနေရာလေး၊ချစ်သူတွေဖြစ်ပြီး ပထမဆုံးသွားလည်ခဲ့ဖူးတဲ့နေရာ၊ချစ်သူနဲ့အမှတ် တရလျှောက်ဖြစ်ခဲ့တဲ့လမ်းတွေကိုပြန်သွားလည်ပါ။နှစ်ယောက်အတူရိုက်ခဲ့ဖူးတဲ့ဓာတ်ပုံဟောင်းတွေပြန်ကြည့်ပြီး ခံစားချက်တွေကိုပြန်ပြီးနွေးထွေးအောင်လုပ်ပါ။

၎)ခရီးအတူတူထွက်ပါ

ခရီးအတူတူထွက်တာဟာ မရင်းနှီးသေးတဲ့သူတွေကိုတောင် သူငယ်ချင်းတွေအဖြစ်ပြောင်းလဲ သွားစေပါတယ်။ကိုယ်ချစ်တဲ့သူနဲ့ခရီးအတူထွက်ရတာလောက် ပိုပြီးရင်းနှီးချစ်ခင်မှုတိုးစေတာမရှိပါဘူး။ ခရီးသွားတာကလူရောစိတ်ကိုပါလန်းဆန်းတက်ကြွစေလို့ ပျော်ရွှင်စရာကောင်းတဲ့ခရီးစဉ်လေးဖြစ်မှာအသေအချာပါပဲ။

၅)အချစ်ရေးမှာ ရိုမန်တစ်ဆန်တတ်ဖုိ့လည်းအရေးကြီးတယ်ဆိုတာနားလည်ပါ။

သင့်ရဲ့ အချစ်ရေးကိုပျော်ရွှင်ခိုင်မာတဲ့အချစ်ရေးမျိုးဖြစ်ချင်တယ်ဆိုရင် ရိုမန်တစ်ဆန်တတ်ဖို့လည်းလိုပါတယ်။သင့်ရဲ့ ဂရုစိုက်မှုသေးသေးလေးကသူမအတွက်ပျော်ရွှင်သွားစေရင် ဒါက ရိုမန်တစ်ပါပဲ။ရိုမန်တစ်ဆန်တာက သင့်ကိုရော၊သင့်ချစ်သူကိုပျော်ရွှင်စေတဲ့ခံစားချက်မျိုးပါ။

Buzzy Team မှ စီစဉ်တင်ဆက်သော buzzy.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Facebook Conversations