Hailey က သူ့ဖူးစာရှင်ဖြစ်လာနိုင်တယ်ဆိုပဲ။

လတ်တလောမှာ နေရာအနှံ့အပြားမှာအကြင်နာမိုးတွေစွေနေကြတဲ့Justin Bieber နဲ့ Hailey Baldwin တို့စုံတွဲလေးဟာ အခုမှသာမဟုတ်လွန်ခဲ့တဲ့ နှစ်နှစ်2016 ဝန်းကျင်ကလည်း ဒိတ်ခဲ့ကြသေးတယ်လို့ဆိုရမှာပါ။ ဒါပေမယ့် အဲဒီတုန်းကတော့ အခြေအနေအရပ်ရပ်ကြောင့်အခုလိုလူမြင်သူမြင်မတွဲနိုင်ခဲ့သလို Interview တွေလည်း လွတ်လွတ်ကင်းကင်းမဖြေချင်ခဲ့ကြဘူး၊မဖြေနိုင်ခဲ့ကြဘူးလို့ဆိုရမှာပါ။ပြီးတော့သူတို့ကြားထဲကအချစ်တွေဟာ ခဏသာတည်မြဲလိုက်ပြီး Justin တစ်ယောက်က ထုံးစံအတိုင်းSelena Gomez ရှိရာကိုမမှိတ်မသုန်ပြန်လည်ဦးတည်လျှောက်လှမ်းသွားခဲ့ပါတယ်။ ဒါပေမယ့်အခုတစ်ကြိမ်ကတော့ တည်မြဲလောက်တဲ့အခြေအနေဖြစ်သလို Selena ကလည်း အတိတ်ကိုအတိတ်မှာပဲထားခဲ့တော့မယ်လို့ဆုံးဖြတ်လိုက်ပြီးတာမို့ဒီတစ်ခါမှာတော့ ဘယ်သူခွဲခွဲတို့မကွဲအမြဲစည်းလုံးမည်လို့ဆိုရလောက်တဲ့အခြေအနေပါပဲ။ ဒါ့အပြင်ထူးခြားတာက အချစ်ရေးအကြောင်းကို ဖြေခဲလှတဲ့ Justin ဟာGQ’s Magazine ရဲ့ Interview တစ်ခုမှာ Hailey Baldwin ဟာ သူနဲ့လက်ထပ်မယ့်မိန်းကလေးဖြစ်လာနိုင်ကြောင်းဖြေသွားခဲ့တာပါပဲ။

ဟုတ်ပါတယ်။ Justin က “သူမက ကျွန်တော်တကယ်ချစ်မြတ်နိုးရတဲ့သူပါ။ကျွန်တော်တို့အတူဖြတ်သန်းခဲ့တဲ့အချိန်တွေကလည်းများပါတယ်။ နောက်ပြီး ကျွန်တော်အခုဘယ်သူ့ကိုမှ မနာကျင်စေချင်တော့ဘူး။ ကျွန်တော့်ကိုပိုင်ဆိုင်ရခြင်းဟာ နာကျင်ရခြင်းမဖြစ်စေချင်တော့ဘူး။အခုအခိုက်အတန့်မှာ ကျွန်တော်ဟာ ဘယ်သူ့ရဲ့ပိုိုင်ဆိုင်မှုမှမခံချင်တာလည်းအမှန်ပါပဲ။ကျွန်တော့်မှာ တာဝန်ယူရမယ့်အရာတွေကအခုတောင်တော်တော်များနေပါပြီ။ဒီတော့ ကျွန်တော်ချစ်တဲ့မိန်းကလေးကကျွန်တော့်ကိုနောက်ထပ်ဝန်ထုပ်ဝန်ပိုးတစ်ခုဖြစ်လာမှာမျိုးမခံချင်တော့ဘူး။ ကျွန်တော်အရင်ကလူတွေကိုခဏတာပျော်စေချင်တာသက်သက်နဲ့ စိတ်ထဲကမပါတဲ့စကားတွေပြောပြီး နာကျင်စေခဲ့ဖူးတယ်။ဒီတော့ကျွန်တော် အခုအချိန်မှာ အနာဂတ်ကိုပဲအာရုံစိုက်ချင်တယ်။ကျွန်တော့်အနားကလူတွေကို မနာကျင်စေမိအောင်အတတ်နိုင်ဆုံးကြိုးစားမယ်။တကယ်လို့ Hailey က ကျွန်တော်လက်ထပ်မယ့်မိန်းကလေးဖြစ်လာရင်ရော..။ဟုတ်တယ်နော်။ကျွန်တော်အခုချိန်မှာသူ့ကိုနာကျင်ထိခိုက်စေမိရင် အဲဒီအရာကတစ်သက်လုံးဒီအတိုင်းပဲရှိနေတော့မှာ။ဒီလိုဒဏ်ရာတွေကကုစားဖို့အရမ်းခက်တာ။ အရမ်းခက်တယ်။ဒါကြောင့် ကျွန်တော်သူမကိုမနာကျင်စေချင်ဘူး” လို့GQ’s Magazine နဲ့ Interview တစ်ခုမှာဖြေကြားသွားပါတယ်။ 

Justin ဟာ သူ့အချစ်ရေးကို Media တွေကိုသိပ်ပြီးဖြေလေ့မရှိသူတစ်ဦးဖြစ်တဲ့အလျောက်ဒီိလိုဖြေတာကိုကြည့်ခြင်းအားဖြင့်သူ့အတွက်အမြဲတမ်းရှိနေခဲ့တဲ့ Hailey ကို တစ်သက်စာရည်ရွယ်တယ်ဆိုတာထင်ရှားလို့နေပါတော့တယ်။

 

Source – Seventeen Magazine 

Buzzy Team မှ စီစဉ်တင်ဆက်သော buzzy.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Facebook Conversations