အတော်ထူးဆန်းတဲ့အတွဲပါ။

အိန္ဒိယလေကြောင်းလိုင်းတစ်ခုဖြစ်တဲ့ Jet Airways ရဲ့ လန်ဒန်ကနေ မွမ်ဘိုင်းကိုသွားတဲ့ခရီးစဉ်တစ်ခုမှာ လေယာဉ်မှူးစုံတွဲဟာ မောင်းနေတုန်းတန်းလန်းရန်ဖြစ်ပြီးထိန်းချုပ်ခန်းထဲကနေ ထွက်ခွာခဲ့တာပါ။ အဲဒီလေယာဉ်ဟာ ခရီးသည် 324 ယောက်နဲ့ လေယာဉ်ဝန်ထမ်း 14 ဦးတို့ကို တင်ဆောင်လာခဲ့တဲ့လေယာဉ်ဖြစ်ပါတယ်။ လေယာဉ်ဝန်ထမ်းတွေရဲ့ ထွက်ဆိုချက်အရ လေယာဉ်မှူးအမျိုးသားနဲ့ လက်ထောက်လေယာဉ်မှူးအမျိုးသမီးတို့ဟာ ချစ်ကြိုက်နေကြတာဖြစ်ပြီး လေယာဉ်မောင်းရင်းတန်းလန်း လေယာဉ်ကလေထဲမှာ သွားနေတဲ့အချိန်တစ်ဝက်လောက်မှာ အကြီးအကျယ်ရန်ဖြစ်ခဲ့ကြတာပါ။လေယာဉ်မှူးက လက်ထောက်လေယာဉ်မှူးကို ပါးရိုက်ခဲ့တာကြောင့် လက်ထောက်လေယာဉ်မှူးအမျိုးသမီးက ထိန်းချုပ်ခန်းထဲကနေမျက်ရည်စက်လက်နဲ့ထွက်ခွာလာခဲ့ပါတယ်တဲ့။ လေယာဉ်မှူးက ထိန်းချုပ်ခန်းထဲက telecom ကနေတစ်ဆင့် လက်ထောက်လေယာဉ်မှူးကို နေရာကိုပြန်လာဖို့ အဆက်မပြတ်ပြန်လည်ခေါ်ယူနေခဲ့တာဖြစ်ပြီး ကြောက်လန့်နေတဲ့ လေယာဉ်ဝန်ထမ်းတွေရဲ့ ဖြောင့်ဖျမှုကြောင့် လက်ထောက်လေယာဉ်မှူးက နေရာကိုပြန်သွားခဲ့တယ်လို့သိရပါတယ်။ နေရာကိုပြန်သွားပြီးနောက်ပိုင်းမှာ နောက်ထပ်တစ်ခါရန်ထပ်ဖြစ်ကြသေးတယ်လို့ဆိုပါတယ်။ 

လေယာဉ်ပျံသန်းချိ်န်က ကိုးနာရီကြာမြင့်ခဲ့ပြီး ဘာအထိအခိုက်မှမရှိပဲ မွမ်ဘိုင်းကိုဆိုက်ရောက်ခဲ့ပါတယ်။ လေယာဉ်မောင်းနေတုန်း အလုပ်ချိန်မှာ ကိုယ်ရေးကိုယ်တာကိစ္စနဲ့ ရန်ဖြစ်ခဲ့ကြတဲ့ လေယာဉ်မှူးစုံတွဲကိုတော့ Jet Airways က စာချုပ်မှ ရပ်စဲပြီး အလုပ်ထုတ်ပစ်လိုက်ပါပြီ။

Buzzy Team မှ စီစဉ်တင်ဆက်သော buzzy.com.mm တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် facebook စာမျက်နှာ ၊ website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

Facebook Conversations